नवा गडी नवं राज्य थाटा
उद्या पहाटे दुसऱ्या वाटा
आज समुद्री फेसाळ लाटा
उद्या पहाटे दुसऱ्या वाटा
गत क्षणांच्या भावुक छटा
उद्या पहाटे दुसऱ्या वाटा
नवतेजे दिनकर नभीं
पुन्हा त्याच सायंवाटा
उद्या पहाटे दुसऱ्या वाटा
आला क्षण गेला क्षण 'सुख' वाटा
उद्या पहाटे दुसऱ्या वाटा
तुझ्या नि माझ्या आयुष्याच्या
रंगीबेरंगी जीवनछटा
उद्या पहाटे दुसऱ्या वाटा
वाटा वाटा वाटा वाटा
मिळून चालू सा-या वाटा
आभाळागत 'प्रेम' देऊ घेऊ
आयुष्यमार्ग पडेल मग थिटा
उद्या पहाटे दुसऱ्या वाटा
मृदुला मुकुंद पाटखेडकर
२७/१०/२०२२
No comments:
Post a Comment