शोध सा-या जाणिवांचा अजूनही संपला नाही
तळ देखावे इथे तिथे अंतरी मनांमनांतले
आरसा अजून सगळीकडे खोल पोहचला नाही
वयागणिक सा-या भावना, अवस्था
क्षणाक्षणांनी काबीज केलेल्या.....
जाणिवांना समृध्दीचा मार्ग अजून दिसला नाही
अपूर्णतेला पूर्णतेचा ध्यास जरी नेटका
पावलागणिक अधुरेपणाचा मार्ग मोकळा झाला नाही
जीवजीवाची तगमग तगमग नेहमीच ध्येयवेडाकडे
यशापयशी हिंदोळ्यांना क्षितिज अजून भेटला नाही
उणेपुरे नेहमीच; बाकीच बाकी सगळीकडे
शोध नेहमी इथे तिथे; मनांचा ठाव घेतलाच नाही
बाकी तर बाकी, अधुरे तर अधुरे, अपूर्ण तर अपूर्ण
शोध चालूच राहील रे, मीही अजून थकले नाही
शोध सा-या जाणिवांचा अजूनही संपला नाही
मृदुला मुकुंद पाटखेडकर
२९/१०/२०२२
No comments:
Post a Comment