उदरात गुपित काळाच्या, भंगलेले महाल विपरीत स्वप्नांचे
पराकाष्ठा
प्रयत्नांची चिकाटीने, विवर विनाशाचे खोदले
नीतिमत्ता वेसंगली,
निर्भत्सना जाज्वल्य कीर्ती
अपहरली भार्या
दुसरी, दूषण कुलकीर्ती
दुराग्रही,
न माने आप्तेष्टांचे तर्क
वितळले कर्म,
युध्दाचे मर्म
दुराचारी
विचार, त्यात सहचारी पाखंड
राज्य
विभाजन, प्रपंच अखंड
म्हणे
फक्त माझाच, तरूतलावरील सुगंध
दुसऱ्या
न देणे काडीभरही मात्र,
राजकर्तव्य संदिग्ध
अघळपघळ
व्यभिचारी स्वप्नांचे परिवर्तन, जे नियमास सोडून
विलक्षण
अधोगतीत
ज्याचे परिमार्जन, मनोविकार विलक्षण
अमोल पाटखेडकर
२३-मे-२०२१
No comments:
Post a Comment