स्त्री मना

  निवांत क्षणी तरी गं

  स्वतःला नीट भेटशील कधी?

  अश्रु पुसून नयनांतील 

  काळजातली काळजी लपवशील किती?

  बाहेर कित्येकदा काय काय बघितलंस

  स्वतःच्या आत डोकावशील कधी? 

  मनाची कवाडं उघडशील कधी?

  सुखांचे स्वागत करशील कधी?

  छोट्या छोट्या गोष्टीतला 

  मनसोक्त आनंद घेशील कधी? 

  क्षणाक्षणातले हसरे उत्सव

  साजरे करशील कधी? 

  प्रेमळ काळजाचं स्त्रीमन तुझं

  धडधड त्याची जाणशील कधी?

  स्त्रीजन्मा तुझ्या जगरहाटीत

 स्वतःवर प्रेम करशील कधी?

  अंतर्नाद अंतरीचा

  मनापासून ऐकशील कधी? 

  स्व छंदातला शब्द निःशब्द 

  व्यक्त करशील कधी? 

  गं स्त्री गं सखी सांग ना?

  निवांत क्षणी तरी गं

  स्वतःला नीट भेटशील कधी?

   मृदुला मुकुंद पाटखेडकर.

      १९ नोव्हेंबर २०१९.