मनाचा निरागस निर्मळ गाभारा
तुझ्यासाठी
अस्तित्वाचा रोज नवा श्रीगणेशा
तुझ्यासाठी
मंगलाचरण मंगलपूजन मंगलारती
भावभक्तिचे गंधमादन
तुझ्यासाठी
श्रीगणेशाचे मनन चिंतन
मन्मनींचा सचेतन स्पर्श आनंदघन
उषःकाली सोनेरी मनवाट
तुझ्यासाठी
शेंदूर लाल बुक्का गुलाल
सात्विकतेचा गंध खुशाल
रांगत येई ठाव घेई
मन ओढाळ वाट तुझी
माझ्यासाठी
तुझ्यासाठी माझ्यासाठी
तुझ्यासाठी माझ्यासाठी
बाप्पा माझा सर्वांसाठी
बाप्पा माझा सर्वांसाठी
मृदुला मुकुंद पाटखेडकर
३१/८/२०२२
श्री गणेश चतुर्थी
No comments:
Post a Comment