उधळण सौख्याची
मोजदाद कशाला?
काटे आयुष्यातले
फुलांना दोष कशाला?
स्वप्नें नवतारुण्यातली
वास्तवाचे भान कशाला?
सहवासातले प्रेम अतोनात
विरहाचे डंख कशाला?
रवितेजाची पहाट दूर दूर
मावळतीचे विचार कशाला?
साथसंगती नात्यांचे ऋणानुबंध
साथ आणि संगतीत दुरावा कशाला?
ऋतू बहराचा श्रावण रंग निसर्गी सुंदर
रसिका! मनीं कुरुपता, रंगाचा बेरंग कशाला?
हसावे मनभरुन बिनधास्त आयुष्यी
मध्येच अवघे रडगाणे कशाला?
खेळ तुझा नि माझा चौकटीतला सर्वव्यापी
सर्वव्यापी ईश्वरास नशिबाची तुझ्या दूषणें कशाला?
मृदुला मुकुंद पाटखेडकर
३/८/२०२२
No comments:
Post a Comment