काळ्या धनाचं धाबं दणाणलं
कचरा ढीगांमधून
हजारोंच्या नोटांचं
तुणतुणं वाजलं
कधी नव्हे
ते या लोकांचं
मन
गरीबांसाठी उदार झालं
मोठ्या मनाच्या दानतीला
कधी नव्हे
ते उधाण आलं
दाबू दाबू
आजवर ठेवला काळा
पैसा
दाखविण्या आज बँक
पोस्टाला
काळीज यांचं थरकापू
लागलं
मंदिरांच्या दानपेटीत हजारोंचं
वास्तव्य दिसू लागलं
आधीच लपविलेल्या
काळ्या धनाचं
बेकारीत आज काळीज
तुटू लागलं
पाहून मांडलेला नोटांचा
हा बाजार
गांधींनाही खुदकन् हसू
आलं
एकादशीच्या विठ्ठलालाही
लोकंहो, तुम्ही आज
बाजूला केलं
'आधी नोटोबा
मग विठोबा'
नामाचा जप करु
लागलं
मृदुला मुकुंद पाटखेडकर.
११ नोव्हेंबर
२०१६.
No comments:
Post a Comment