अमृत क्षण

     आयुष्यात येतात कधी कधी

    अविस्मरणीय असे अमृत क्षण

    घ्यावा भरुन मनांत आठवणींचा

    प्रत्येक साठविलेला कण अन् कण

     कुणी बोर्डाच्या परीक्षेत प्रथम येतो

      कुणी भल्यामोठ्या पगाराची

       नोकरी मिळवितो

       कुणी मुलांच्या प्रगतीने

      धन्य धन्य भरुन पावतो

     कुणी समाजकार्यात स्वतःला

         झोकून देतो

      अपंग, दुबळ्या, गरीब, दीन

       जनतेची सेवा करतो

     कुणी करतो अविरत ज्ञानदान

      वेचितो अखंड, अनंत ज्ञानकण

      आयुष्यात येतात कधी कधी

      अविस्मरणीय असे अमृत क्षण

        कुणी बनून निसर्गमित्र

        फळाफुलांचा बगिचा फुलवितो

        पक्षीमित्र, प्राणीमित्र बनून

       निसर्ग सवंगड्यांसवे नाचतो

        कुणी ध्यास घेऊन कलेचा

  बहरवून टाकतो आयुष्याचा क्षण न् क्षण

       आयुष्यात येतात कधी कधी

      अविस्मरणीय असे अमृत क्षण

       चिंता नसते, काळजी नसते

     जबाबदारी नसते, ओढगस्ती नसते

      ताण नसतो, व्याप नसतो

       आई बाबांच्या तळहातात

        झुलते रम्य ते बालपण

     अनुभवते खरे स्वच्छंदी अमृत क्षण

       आयुष्यात येतात कधी कधी

      अविस्मरणीय असे अमृत क्षण

       क्षणाक्षणाला मिळून जुळतात

         अनेक आठवणी

       त्यात रमलो एकदा की

       मन करत नाही त्यांची

        लवकर पाठवणी

     वेचिता आठवणींचा एकेक कण

       सुखद आठवांनी फूलून येतो

     मनाचा कोपरा न् कोपरा पण

     आयुष्यात येतात कधी कधी

    अविस्मरणीय असे अमृत क्षण

   मृदुला मुकुंद पाटखेडकर.

      ८ नोव्हेंबर २०१६.